एजेन्सी । क्रिस्टियानो रोनाल्डोको ह्याट्रिकको सहयोगमा ईटालियन क्लब युभेन्ट्स च्याम्पियन्स लिग फुटबलको क्वार्टरफाईनलमा प्रवेश गरेको छ । मंगलबार राति भएको अन्तिम १६ को दोस्रो लेगको खेलमा स्पेनिस क्लब एट्लेटिको मड्रिडमाथि ३–० को जित सहित युभेन्ट्स अन्तिम ८ मा प्रवेश गरेको हो ।
टुरिन क्लबले समग्रमा ३–२ को नतिजा निकाल्न सफल रह्यो ।
यसै सिजन ९९ मिलियन पाउण्डमा युभेन्ट्स आएका रोनाल्डोले युरोपेली क्लब फुटबलको ठुलो प्रतियोगितामा आफुलाई पुन सिद्व गरे ।
उनले पछिल्लो पाँच सिजनमा रियल मड्रिडलाई चार सिजन च्याम्पियन्स लिगको उपाधि जिताएका थिए । च्याम्पिन्स लिगमा उनले १ सय २४ औ गोल सहित आठौं ह्याट्रिक पुरा गरे ।
खेलको २७ औ मिनेटमा रोनाल्डोले टिमलाई सुरुवाती अग्रता दिलाएका थिए । ४९ औ मिनेटमा उनले टोलीको अग्रता दोब्बर पारेका थिए । खेल सकिन ४ मिनेट अगाडी पेनाल्टीमा गोल गर्दै उनले युभेन्ट्सलाई च्याम्पियन्स लिग फुटबलको अन्तिम ८ को यात्रा तय गराए ।
पहिलो लेगमा लिएको अग्रतालाई जोगाउन नसक्दा एट्लेटिको मड्रिड प्रि क्वार्टरफाईनलबाट बाहिरिन बाध्य भयो । घरेलु मैदानमा पहिलो लेगमा २–० को अग्रता लिएर नकआउट चरण पार गर्न नसक्ने एट्लेटिको ईतिहासको चौथो क्लब बनेको छ ।
