काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको लाहोर क्वालेण्डर्सले पाकिस्तान सुपर लिग (पीएसएल) क्रिकेटमा मुल्तान सुल्तानलाई जितका लागि १४१ रनको लक्ष्य दिएको छ ।
कराँचीमा टस हारेर पहिले ब्याटिङ गरेको लाहोरले पुरै २० ओभर खेल्दै ८ विकेट गुमाएर १४० रन बनायो । लाहोरका लागि फकर जमानले अर्धशतकीय इनिङ्स खेल्दै सर्वाधिक ५३ रन बनाए ।
यस्तै डेभिड विजाले ३० रन तथा एसिला गुणारत्नेले १२ रन बनाउनु बाहेक अन्य ब्याट्सम्यानले दोहोरो अंक जोड्न सकेनन् ।
मुल्तानका लागि मोहमद अब्बासले ३ तथा साहिद अफ्रिदी २ विकेट लिए । क्रिस ग्रिन र मोहमद इल्यासले समान १/१ विकेट हात पारे ।
यस संस्करणमा लाहोर र मुल्तानको यो दोस्रो भेट हो । लिगको पहिलो भिडन्तमा मुल्तान ६ विकेटले पराजित भएको थियो ।
लिगमा लाहोर पुछारबाट दोस्रो तथा मुल्तान पुछारमा रहेको छ । दुवै टिम प्रतियोगिताबाट बाहिरिसकेका छन् ।
-1736261934.jpeg)
-1736248541.jpg)
