काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको लाहोर क्वालेण्डर्सले पाकिस्तान सुपर लिग (पीएसएल) को अन्तिम खेलमा अहिले मुल्तान सुल्तानसंग प्रतिस्पर्धा गर्दैछ ।
कराँचीमा हुने खेलमा लाहोरविरुद्ध मुल्तानले टस जितेको छ र पहिले फिल्डिङ रोजेको छ । मुल्तानले फिल्डिङ रोजेपछि लाहोरले सुरुवातमा ब्याटिङ गर्नेछ ।
मुल्तानविरुद्ध खेलमा सन्दीप प्लेईङ सेटमा परेका छन् । अघिल्ला खेलहरुमा उच्च प्रदर्शन गरेपछि सन्दीप टोलीमा अटाएका हुन् ।
सन्दीपले हालसम्म पीएसएलको ६ खेलमा ११ विकेट हात पारिसकेका छन् ।
अहिले दुवै टोली जित निकाल्ने लक्ष्यसहित मैदान उत्रने छन् ।
यस संस्करणमा लाहोर र मुल्तानको यो दोस्रो भेट हो । लिगको पहिलो भिडन्तमा मुल्तान ६ विकेटले पराजित भएको थियो ।
लिगमा लाहोर पुछारबाट दोस्रो तथा मुल्तान पुछारमा रहेको छ । दुवै टिम प्रतियोगिताबाट बाहिरिसकेका छन् ।
-1736261934.jpeg)
-1736248541.jpg)
