काठमाडौं । भारतको युनाईटेड क्लब माइभ्याली गोल्डकप फुटबल प्रतियोगिताको क्वार्टरफाईनलमा प्रवेश गरेको छ । आईतबार भएको उद्घाटन खेलमा आयोजक क्लब माइभ्याली फुटबल क्लब ईलामलाई पराजित गर्दै युनाईटेड क्लब अन्तिम ८ मा प्रवेश गरेको हो ।
ईलामको ठुलो टुँडिखेलमा भएको खेलमा युनाईटेडले आयोजक क्लबलाई १–० गोल अन्तरले हरायो ।
पाहुना टिमका लागि देवासिस राईले दोस्रो हाफको ईन्जुरी समयमा विजयी गोल गरे । युनाईटेडले सेमिफाईनल प्रवेशका लागि विभागीय टिम नेपाल पुलिस क्लबसंग प्रतिस्पर्धा गर्नेछ ।
प्रतियोगिता अन्तर्गत भोली (सोमबार) हिमालयन शेर्पा र नेप्लीज फुटबल एकेडेमी हङकङबीच प्रतिस्पर्धा हुनेछ ।
प्रतियोगितमा ए डिभिजनका क्लब सहित १० टोली सहभागि छन् ।
-1734842793.webp)
