काठमाडौं । सहिद स्मारक 'सी' डिभिजन लिग फुटबलमा स्वयम्भू क्लब र खालीबारी युवा क्लबले जित निकालेको छ ।
सातदोबाटोस्थित एन्फा कम्प्लेक्समा आइतबार भएको खेलमा स्वयम्भूले सानो गौचरण युवा क्लबलाई ३-२ गोल अन्तरले पराजित गर्यो ।
स्वयम्भूको जितमा विकी राई, कृष्ण लामा र रबी भण्डारीले एक एक गोल गरे । सानो गौचरणका दिबस श्रेष्ठ र बिनम गुरुङले एक एक गोल फर्काए ।
यस्तै अर्को खेलमा खालीबारीले महाबिर क्लबलाई ३-२ गोल अन्तरले पराजित गर्यो । खालीबारीको जितमा सुबित कार्की, सुरज भुजेल र सुरज गुरुङले एक एक गोल गरे ।
महाबिरका नबिन महतोले दुई गोल गरेपनि टोलीलाई जित दिलाउन सकेनन् ।
-1734842793.webp)
