एजेन्सी । इटालियन सिरी 'ए' फुटबलमा तेस्रो स्थानको एसी मिलानले जित निकालेको छ । शनिबार राति भएको खेलमा मिलानले चिभोलाई २-१ गोल अन्तरले पराजित गरेको हो ।
चिभोको मैदानमा मिलानलाई जित दिलाउन लुकास बिग्लिया र क्रेजिस्टोफ पियाटेकले एक/एक गोल गरे । चिभोका पेर्पेरिम हेटेमाजले एक गोल फर्काए ।
खेलको ३१ औं मिनेटमा बिग्लियाले गोल गर्दै मिलानलाई सुरुवाती अग्रता दिलाए । खेलको ४१ औं मिनेटमा हेटेमाजले गोल गर्दै चिभोलाई खेलमा फर्काए । तर, खेलको ५७ औं मिनेटमा पियाटेकले गोल गर्दै मिलानलाई २-१ ले जित दिलाए ।
जितसंगै मिलानले २७ खेलबाट ५१ अंक जोडेको छ । पराजित चिभो १० अंक जोडेर पुछारमा रहेको छ ।
-1734842793.webp)
