एजेन्सी । इन्ग्लिश प्रिमियर लिग फुटबलमा आज (शनिबार) विभिन्न ७ खेलहरु हुँदैछ । शनिबार शीर्ष स्थानको म्यानचेस्टर सिटी,टोटेनहम, लेष्टर सिटी, एभर्टन लगायतका क्लबले प्रतिस्पर्धा गर्दैछन् ।
लिग लिडर सिटीले शनिबार वाट्फोर्डसंग घरेलु मैदानमा खेल्नेछ । सिटी र वाट्फोर्डबीचको खेल राति ११:१५ मा सुरु हुनेछ ।
वाट्फोर्डविरुद्ध मैदान उत्रदा सिटी सहज जितसंगै शीर्ष स्थानको अग्रता कायम राख्न चाहन्छ । तुलनात्मक कमजोर टिम सिटीलाई अग्रता कायम राख्ने अवसर समेत छ ।
सिटीले २९ खेलबाट ७१ अंक जोडेको छ । र, सिटी दोस्रो स्थानको लिभरपुल भन्दा १ अंकले अघि छ ।
वाट्फोर्ड ४३ अंकसहित आठौं स्थानमा छ । तर, वाट्फोर्ड सिटीलाई उसैको घरेलु मैदानमा हराएर अंक तालिका सुधार गर्न चाहन्छ ।
यस्तै टोटेनहमले साउथह्याम्पटनसंग उसैको घरेलु मैदानमा खेल्नेछ । तेस्रो स्थानको टोटेनहम साउथह्याम्पटनलाई हराएर शीर्ष दुई क्लबसंग अंक दुरी घटाउन चाहन्छ ।
टोटेनहमले ६१ अंक जोडेको छ । साउथह्याम्पटन २७ अंकसहित १७ औं स्थानमा छ ।
त्यस्तै लेष्टर सिटीले फूलहमसंग घरेलु मैदानमा प्रतिस्पर्धा गर्दा एभर्टनले न्युकासल युनाईटेडसंग उसैको मैदानमा खेल्नेछ ।
प्रिमियर लिग अन्तर्गत नै अन्य खेलमा क्रिष्टल प्यालेसले ब्राइटन, कार्डिफले वेष्ट ह्याम र हडर्सफिल्डले बर्नेमाउथसंग खेल्नेछ ।
