काठमाडौं । नेपाली लेग स्पिनर सन्दीप लामिछाने रहेको टिम लाहोर क्यालेण्डर्सले पाकिस्तान सुपर लिग (पीएसएल) क्रिकेटको नवौं खेलमा भोली (शनिबार) इस्लामावाद युनाइटेडसंग प्रतिस्पर्धा गर्दैछ ।
पाकिस्तानको कराँचीमा हुने लाहोर र इस्लामावादबीचको खेल नेपाली समय अनुसार बेलुका ७:४५ मा सुरु हुनेछ । र, दुवै टोली जित निकाल्ने लक्ष्यसहित मैदान उत्रने छन् ।
९ खेलमा ४ जित हात परेको इस्लामावाद ८ अंक सहित अंक तालिकाको तेश्रो स्थानमा रहेको छ । ८ खेलमा ३ जित हात पारेको लाहोर ६ अंक सहित पाँचौ स्थानमा रहेको छ । प्ले अफमा स्थान बनाउन लाहोरलाई इस्लामावादविरुद्ध जित अत्यावश्यक रहेको छ ।
इस्लामावादविरुद्ध सन्दीप प्लेईङ सेटमा पर्ने पक्का जस्तै छ । पीएसएलमा खेलेका सबै खेलमा सन्दीपले किफायती बलिङ गर्दा एक खेलमा मात्र विकेट बिहिन रहेका थिए ।
सुरुवाती ३ खेल गुमाएका सन्दीपले पछिल्लो ५ खेलमा उत्कृष्ट प्रदर्शन गरिरहेका छन् । उनले पीएसएलमा ५ खेल खेल्दै १० विकेट हात पारीसकेका छन् ।
सन्दीप सर्वाधिक विकेट लिने खेलाडीको सूचीको छैठौ स्थानमा रहेका छन् ।
-1736344782.jpeg)
