काठमाडौं । नेपाली 'ए' डिभिजन क्लब संकटा क्लबले भारतको गुवाहाटीमा जारी चौथो संस्करणको अन्तराष्ट्रिय सिईएम कप फुटबलमा फराकिलो जित निकालेको छ ।
बिहिबार भएको खेलमा संकटाले श्रीलंकाको जाभा लेनलाई ४-० गोल अन्तरले पराजित गर्यो । संकटालाई जित दिलाउन अभिषेक रिजालले दुई गोल गरे । यस्तै ओवाना र म्याक्सवेलले एक एक गोल थपे ।
खेलमा अभिषेक म्यान अफ दि म्याच चुनिए ।
जितसंगै संकटाले सेमिफाइनल नजिक पुगेको छ । तर, संकटाको सेमिफाइनल समीकरण अन्य टिममा भर पर्नु परेको छ ।
अब सालगाओकर क्लबले जित र बराबरी खेलेमा संकटा सेमिफाइनलमा पुग्ने छ । पहिलो खेलमा संकटा सालगाओकरसंग नै पराजित भएको थियो ।
