काठमाडौं । सानेपा क्लबले सहिद स्मारक 'सी' डिभिजन लिग फुटबलमा विजयी सुरुवात गरेको छ । बुधबार भएको खेलमा सानेपाले महाबिर स्टडीज एण्ड एथलेटिक्स एसोसियसनलाई ४-० गोल अन्तरले पराजित गर्यो ।
एन्फा कम्प्लेक्स सातदोबाटोमा सानेपालाई जित दिलाउन कुनसाङ गुरुङले ह्याट्रिक गरे । यस्तै हेमन्त गुरुङले एक गोल गरे । जितसंगै सानेपाले ३ अंक जोडेको छ ।
यस्तै उद्घाटन खेलमा खालीबारी युवा क्लब र समाज कल्याण खेलकुद केन्द्रले २-२ गोलको बराबरी खेल्दै अंक बाडेका छन् ।
खालीबारीका अरुण लामा र प्रसान थापाले एक एक गोल गरे । समाजका लागि सरद राईले दुवै गोल गरे ।
बराबरीसंगै दुवैले एक एक अंक बाडेका छन् ।
'सी' डिभिजन लिगमा ११ क्लबले प्रतिस्पर्धा गरिरहेका छन् । लिग चरणको खेलपछि समूहका शीर्ष दुई टोली दोस्रो चरण सुपर लिगमा प्रवेश गर्नेछन् । शीर्ष ४ टोलीबीच सुपर लिगका आधारमा विजेता र उपविजेताको छनोट गरिनेछ ।
यस पटक 'सी' डिभिजन लिगमा घटुवा र बढुवा हुने छैन् ।
