एजेन्सी । घरेलु टोली वेष्ट इण्डिजविरुद्धको पहिलो टी-ट्वान्टी क्रिकेटमा इंग्ल्यान्डले जित निकालेको छ । मंगलबार राति भएको खेलमा इंग्ल्यान्डले वेष्ट इण्डिजलाई ४ विकेटले पराजित गर्यो ।
ग्रोस आइसलेटमा वेष्ट इण्डिजले दिएको १६१ रनको लक्ष्य इंग्ल्यान्डले १८ ओभर ५ बलमा ६ विकेट गुमाएर पुरा गर्यो । इंग्ल्यान्डको जितमा जोनी बैरस्टोले ६८ रनको अर्धशतकीय इनिङ्स खेले ।
यस्तै जोई डेनलीले ३० तथा साम विलिङ्सले १८ रन बनाए । वेश इण्डिजका शेन क्रोटेलले ३ विकेट लिए ।
यसअघि टस हारेर पहिले ब्याटिङ गरेको वेष्ट इण्डिजले पुरै २० ओभर खेल्दै ८ विकेट गुमाएर १६० रन बनाएको थियो । वेष्ट इण्डिजका लागि निकोलस पुरनले ५८ रनको अर्धशतकीयले इनिङ्स खेले । यस्तै डरेन ब्राभोले २८ रन बनाए ।
इंग्ल्यान्डका टम कुरनले ४ तथा क्रिस जोर्डनले २ विकेट लिए ।
यो जितसंगै इंग्ल्यान्डले ३ खेलको सिरिजमा १-० ले अग्रता बनाएको छ ।
-1736344782.jpeg)
