काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम लाहोर क्यालेण्डर्सले पाकिस्तान सुपर लिग (पीएसएल) क्रिकेटमा अहिले पेशावर जाल्मीसंग प्रतिस्पर्धा गरिरहेका छन् ।
दुबईको अबुधाबीमा टस हारेर पहिले ब्याटिङ गरेको लाहोरले पेशावरलाई जितका लागि १२५ रनको लक्ष्य दिएको छ । लाहोरले पुरै २० ओभर खेल्दै ७ विकेट गुमाएर १२४ रन बनायो ।
लाहोरका हरिस सोहिलले ४३ रन जोड्दा डेभिड विसेले अविजित २६ रन बनाए । उमार मोसुदले २२ तथा कप्तान फखर जमानले ११ रन बनाए ।
सन्दीप लामिछाने सुन्य रनमा अविजित रहे। पेशावरका सोलोमन मिल्सले ३ तथा समिन गुलले २ विकेट लिए ।
आज दुवै टोली जित निकाल्ने लक्ष्यसहित मैदान उत्रिएका छन् । ७ खेलमा ५ जित हात परेको पेशावर १० अंक सहित अंक तालिकाको शीर्ष स्थानमा रहेको छ ।
७ खेलमा ३ जित हात पारेको लाहोर ६ अंक सहित चौथो स्थानमा रहेको छ । प्ले अफमा स्थान बनाउन लाहोरलाई पेशावरविरुद्ध जित अत्यावश्यक रहेको छ ।
-1736344782.jpeg)
