एजेन्सी । च्याम्पियन्स लिग फुटलबको अन्तिम १६ को दोस्रो लेगको खेल आज (मंगलबार) राति हुदैछ ।
जर्मन क्लब बोरुसिया डर्टमण्ड र ईङ्लिस क्लब टोटेनहम तथा स्पेनिस क्लब रियल मड्रिड र डच क्लब आयाक्सबीच प्रतिस्पर्धा हुनेछ ।
पहिलो लेगमो खेलमा लिएको अग्रताले टोटेनहम र रियल सहज अवस्थामा छन् ।
घरेलु लिगमा गतिलो प्रर्दशन गर्न नसकेका दुवै क्लब च्याम्पियन्स लिगमा भने अघिल्लो चरण प्रवेशको नजिक छन् ।
पहिलो लेगमा टोटेनहमले डर्टमण्डविरुद्व ३–० को नतिजा निकालेको थियो भने रियलले आयाक्सलाई २–१ ले हराएको थियो ।
डर्टमण्डले घरेलु मैदानमा टोटेनहमलाई आतिथ्यता प्रदान गर्दा रियल मड्रिडले आयाक्सलाई घरेलु भुमिमा निमत्याउनेछ ।
घरेलु मैदानमा कप्तान सर्जियो रामोस् टिममा सामेल हुने छैनन् । पहिलो लेगमा पहेलो कार्ड पाएपछि रामोस दुई खेलको प्रतिबन्धमा छन् ।
