एजेन्सी । स्पेनिस ला लिगा फुटबलमा लेगानेसले लेभान्टेलाई पराजित गरेको छ । सोमबार राति भएको खेलमा लेगानेसले लेभान्टेलाई १-० गोल अन्तरले पराजित गर्यो ।
घरेलु मैदानमा लेगानेसलाई जित दिलाउन ओस्कारले निर्णायक गोल गरे । ओस्कारले खेलको १३ औं मिनेटमा गोल गर्दै लेगानेसलाई ३ अंक दिलाए ।
जितसंगै लेगानेस लिगको ११ औं स्थानमा उक्लिएको छ । लेगानेसले २६ खेलबाट ३३ अंक जोडेको छ । पराजित लेभान्टे ३० अंक जोडेर लिगको १५ औं स्थानमा छ ।
