एजेन्सी । पाहुना टोली श्रीलंकाविरुद्धको पहिलो एकदिवसीय क्रिकेटमा दक्षिण अफ्रीकाले जित निकालेको छ । आइतबार भएको खेलमा दक्षिण अफ्रीकाले श्रीलंकालाई ८ विकेटले हराएको हो ।
जोहन्सबर्गमा श्रीलंकाले दिएको २३२ रनको लक्ष्य दक्षिण अफ्रीकाले ३८ ओभर ५ बलमा मात्र २ विकेट गुमाएर पुरा गर्यो ।
दक्षिण अफ्रीकाको जितमा कप्तान फाप डु प्लेसिसले अविजित रहदै ११२ रनको शतकीय इनिङ्स खेले ।
यस्तै क्विनटन डी ककले ८१ रन जोडे । भान डेर डुसेन ३२ रनमा अविजित रहे । श्रीलंकाका अकिला दनन्जय र विश्व फर्नान्डोले एक एक विकेट लिए ।
यसअघि टस हारेर पहिले ब्याटिङ गरेको श्रीलंकाले ४७ ओभरमा अलआउट हुँदै २३१ रन बनाएको थियो । श्रीलंकाका लागि कुशल मेन्डिसले ६० रनको अर्धशतकिय इनिङ्स खेले ।
यस्तै ओशाडा फर्नान्डोले ४९ रन जोड्दा धनन्जय डी सिल्भाले ३९ रन जोडे । कुशल परेरा ३३ रनमा आउट भए । दक्षिण अफ्रीकाका लुंगी नेग्दि र इमरान ताहिरले ३/३ विकेट लिए ।
जितसंगै दक्षिण अफ्रीकाले ५ खेलको एकदिवसीय सिरिजमा १-० को अग्रता बनाएको छ ।
-1736389050.jpg)
