काठमाडौं । झापा गोल्डकप फुटबलको चौथो संस्करणकाे प्रि क्वार्टरफाईनलमा आज (आईतबार) मोरङ र सशस्त्र प्रहरीको एपीएफ क्लबबीच प्रतिस्पर्धा हुदैछ ।
झापाको डोमालाल राजवंशी रंगशालामा हुने खेल दिउँसो २ बजेका लागि तोकिएको छ । आजको विजेताले सेमिफाईनल प्रवेशका लागि त्रिभुवन आर्मी क्लबसंग प्रतिस्पर्धा गर्नेछ ।
आयोजकले मोफसलको क्लबको रुपमा मोरङलाई प्रतियोगितामा समावेश गरेको थियो । शनिबार भएको उद्घाटन खेलमा आयोजक झापा ११ क्लब विजयी बनेको थियो ।
झापा गोल्डकपमा १० टोलीको सहभागिता रहेको छ । विजेताले १२ लाख ५५ हजार र उपविजेताले ६ लाख ५ हजार रुपैयाँ हात पार्नेछ ।
