काठमाडौं । सहिद स्मारक 'बी' डिभिजन लिग फुटबल अन्तर्गत दोस्रो चरणको खेलमा रानीपोखरी कर्नर टिम (आरसीटी) ले जित निकालेको छ ।
शुक्रबार भएको खेलमा आरसीटीले टुसाल युवा क्लबलाई २-१ गोल अन्तरले पराजित गर्यो ।
एन्फा कम्प्लेक्स सातदोबाटोमा आरसीटीलाई जित दिलाउन उनम बुढाथोकीले दुई गोल गरे । टुसालका करण रावतले एक गोल फर्काए ।
खेलको ३१ औं मिनेटमा उनमले गोल गर्दै आरसीटीलाई सुरुवाती अग्रता दिलाए । ७६ औं मिनेटमा करणले गोल गर्दै टुसाललाई १-१ गोलको बराबरीमा फर्काए । तर, खेलको ८२ औं मिनेटमा उनमले व्यक्तिगत दोस्रो गोल गर्दै आरसीटीलाई २-१ को जित दिलाए ।
जितसंगै आरसीटीले ३ अंक जोडेको छ । र, आरसीटीले दोस्रो चरणको पहिलो खेलमै अंक जोड्न सफल भएको छ ।
४ टोली रहेको दोस्रो चरणको खेलपछि शीर्ष टोलीले उपाधि जित्ने छन् ।
