काठमाडौं । लाहोर क्वालेण्डर्सबाट पाकिस्तान सुपर लिग (पीएसएल) क्रिकेट खेलिरहेका नेपाली राष्ट्रिय टोलीका लेग स्पिनर सन्दीप लामिछानेले कराँची किंग्सविरुद्ध उत्कृष्ट प्रदर्शन गरेका छन् ।
दुबईमा लाहोरले दिएको १३४ रनको लक्ष्यसहित जवाफी ब्याटिङ गरिरहेको कराँचीविरुद्धको सन्दीपले ४ ओभर बलिङ गर्दै १७ रन खर्चेर २ विकेट लिएका छन् ।
सुरुवाती २ ओभरमा घातक बलिङ गर्दै ३ रन खर्चेर २ विकेट लिएका सन्दीपले तेस्रो र चौथो ओभरमा विकेट लिन सकेनन् ।
सन्दीपले पहिलो विकेटको रुपमा कोलिन मुन्रोलाई १५ रनमा आउट गरेका थिए । यस्तै दोस्रो विकेटको रुपमा बाबर आजमलाई ११ रनमा पेभेलियन फर्काए ।
-1736389050.jpg)
