एजेन्सी । इङ्ग्लिश प्रिमियर लिग फुटबलमा चेल्सीले टोटेनहमलाई पराजित गरेको छ । बुधबार राति भएको खेलमा चेल्सीले टोटेनहमलाई २-० गोल अन्तरले पराजित गरेको छ ।
घरेलु मैदानमा चेल्सीलाई जित दिलाउन पेड्रोले एक गोल गरे । चेल्सीले एक आत्मघाती गोलको उपहार पाएको थियो ।
स्टामफोर्ड ब्रिजमा टोटेनहमले पहिलो हाफमा चेल्सीलाई गोलरहित बराबरीमा रोकेको थियो । तर, खेलको ५७ औं मिनेटमा पेड्रोले गोल गर्दै चेल्सीलाई सुरुवाती अग्रता दिलाए ।
त्यसपछि खेलको ८४ औं मिनेटमा टोटेनहमका केइरन ट्रिपिअरले आत्मघाती गोल गरेपछि चेल्सीले २-० को जित निकाल्यो ।
जितसंगै छैटौं स्थानको चेल्सीले २७ खेलबाट ५३ अंक जोडेको छ । र, शीर्ष पाँच क्लबसंगको अंक दुरी घटाउन सफल भएको छ ।
पराजित टोटेनहम ६० अंकसहित लिगको तेस्रो स्थानमा यथावत रहेको छ ।
