एजेन्सी । इङ्ग्लिश प्रिमियर लिग फुटबलमा म्यानचेस्टर सिटीले साँघुरो जित निकालेको छ । बुधबार राति भएको खेलमा सिटीले वेष्ट ह्याम युनाइटेडलाई १- ० गोल अन्तरले पराजित गर्यो ।
घरेलु मैदानमा सिटीलाई जित दिलाउन सर्जियो अग्युरोले निर्णयक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा अग्युरोले पेनाल्टीमा गोल गरेका थिए । खेलको ५९ औं मिनेटमा अग्युरोले पेनाल्टीमा गोल गर्दै सिटीलाई महत्वपूर्ण ३ अंक दिलाए ।
जितसंगै सिटीले शीर्ष स्थानको लिभरपुलसंगको अंक दुरी १ मा झारेको छ । र, उपाधि होडमा लिभरपुलमाथि दबाब कायम गरेको छ ।
सिटीले २८ खेलबाट ६८ अंक छ । लिभरपुलको ६९ अंक छ । पराजित वेष्ट ह्याम ३६ अंकसहित लिगको दशौ स्थानमा छ ।
