काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको लाहोर क्वालेण्डर्सले पाकिस्तान सुपर लिग (पीएसएल) मा अहिले क्वेटा ग्लाडियटर्ससंग प्रतिस्पर्धा गरिरहेको छ ।
दुबईमा सन्दीपको टिम लाहोरले क्वेटाविरुद्ध टस जितेर पहिले बलिङ गरिरहेको छ । क्वेटाविरुद्धको खेलमा नेपालका सन्दीप चम्किएका छन् ।
सन्दीपले क्वेटाविरुद्धको खेलमा चौथो सफलता हात पारेका छन् । सन्दीपले चौथो विकेटको रुपमा ड्यानिस अजिजलाई १ रनमा क्याच आउट गराए ।
यसअघि तेस्रो विकेटको रुपमा सन्दीपले उमार अकमललाई १ रनमा बोल्ड आउट गरे ।
त्यसअघि सन्दीपले पहिलो ओभरमै क्वेटाका सेन वाट्सनलाई एल्बीडब्ल्युको शिकार बनाएका थिए । वाट्सनलाई सन्दीपले पहिलो ओभरको चौथो बलमा ७ रनमा आउट गराए ।
यस्तै आफ्नो दोस्रो ओभरको पहिलो बलमा राईली रस्सोलाई क्याच आउट गराए ।
सन्दीपले ३ ओभर बलिङ गर्दै ८ रन खर्चेर ४ विकेट लिईसकेका छन् ।
