काठमाडौं । नेपाली राष्ट्रिय टोलीका युवा लेग स्पिनर सन्दीप लामिछानेले क्यारेबियन प्रिमियर लिग (सीपीएल) को ओस्कारमा 'ब्रेक थ्रु' अवार्ड जितेका छन् ।
वेष्ट इण्डिजमा आयोजना हुने सीपीएलमा पहिलो पटक खेलेका सन्दीपले उदयमान खेलाडीको रुपमा 'ब्रेक थ्रु' अवार्ड जितेका हुन् ।
सेन्ट किट्स एन्ड नेभिस प्याट्रियट्सबाट खेलेका सन्दीपले प्रतियोगितामा उच्च प्रदर्शन गरेका थिए । सन्दीपले खेलेका पाँच खेलमा ७ विकेट लिएका थिए ।
सीपीएलले घोषणा गरेको ओस्कारमा गुएना अमेजन वारिवार्सका शिम्रोन हिटमेयर प्लेयर अफ इयर घोषित भए ।
