एजेन्सी । सिरि ए लिगमा युभेन्ट्सले अपराजित यात्रालाई कायमै राखेको छ । आईतबार राति भएको खेलमा युभेन्ट्सले रेलिगेशन जोनमा रहेको बोलोग्नालाई १–० गोल अन्तरले पराजित ग¥यो ।
युभेन्ट्सको जितमा पाउलो ड्याबालाले विजयी गोल गरे । बैकल्पिक खेलाडीको रुममा मैदान छिरेका उनले खेलको ६७ औ मिनेटमा गोल गरेका थिए ।
युभेन्ट्सले दोस्रो स्थानको नापोलीसंग १३ अंकको अग्रता लिन सफल भएको छ ।
सन् २०१८ को सेप्टेम्बर यता अवे खेलमा रोनाल्डो पहिलो पटक गोल गर्न चुकेका छन् । उनले सिरि एका पछिल्लो नौ खेलमा गोल गर्न सफल भएका थिए ।
शीर्ष स्थानको युभेन्ट्सको २५ खेलबाट ६९ अंक भएको छ । दोस्रो स्थानको नापोलीको ५६ अंक छ । रेलिगेशन जोनमा रहेको बोलोग्नाको १८ अंक छ ।
