काठमाडौं । सहिद स्मारक बी डिभिजन लिगमा टुसाल युथ क्लब र श्री भगवती दोस्रो चरणमा प्रवेश गरेको छन् । ललितपुरको सातदोबाटोस्थित एन्फा मैदानमा आईतबार भएको दोस्रो खेलमा श्री भगवती युथ क्लबले मध्यपुर युथ एसोसिएसनलाई ३–१ ले पराजित गरेपछि दोस्रो चरणमा पुग्ने टोलीको टुङ्गो लागेको हो ।
दोस्रो चरणमा पुग्न श्री भगवतीलाई जित तथा बराबरीनै पर्याप्त थियो । टुसाल क्लब यस अघिनै दोस्रो चरण प्रवेश गरिसकेको छ । श्री भगवतीको जितमा दर्शन गुरुङले दुई गोल गरे । यस्तै अनिल राना मगरले एक गोल गरे ।
श्री भगवतीले खेलको ७ औँ मिनेटमै अग्रता बनायो । उसका दर्शन गुरुङले गोल गरेका थिए । खेलको ६२ औँ मिनेटमा अनिल राना मगरले गोल गर्दै टोलीको अग्रता २–१ मा पुर्याएका थिए ।
मध्यपुरका सुवर्ण बिक्रम कार्कीले खेलको ६५ औँ मिनेटमा एक गोल फर्काउदै गोल अन्तर घटाउने प्रयास गरेका थिए । तर खेलको ईन्जुरी समयमा दर्शन गुरुङले ब्यक्तिगत दोस्रो गोल गर्दै टिमलाई महत्वपुर्ण तीन अंक दिलाए ।
यस्तै समुह ए बाट रानीपोखरी कर्नर टिम आरसीटी र झम्सिखेल युथ दोस्रो चरण प्रवेश गरिसकेका छन् ।
-1734842793.webp)
