काठमाडौं । नेपालमा हुने तय भएको दक्षिण एसियाली महिला फुटबल प्रतियोगिता साफको खेल तालिका हेरफेर गरिएको छ । अन्तिम समयमा आएर पाकिस्तानले सहभागिता जनाउन नसक्ने बताएपछि खेल तालिका परिवर्तन भएको हो ।
नयाँ तालिका अनुसार नेपालले फागुन २८ गते उद्घाटन खेलमा भुटानसंग प्रतिस्पर्धा गर्नेछ । विराटनगरको सहिद रंगशालामा हुने खेल नेपाली समय अनुसार दिउँसो ३ बजे सुरु हुनेछ ।
फागुन ३० गते भारत र माल्दिभ्स, चैत १ गते भुटान र बंगलादेश, चैत २ गते माल्दिभ्स र श्रीलंका, चैत ३ गते बंगलादेश र नेपाल र चैत ४ गते श्रीलंका र भारतबीच प्रतिस्पर्धा हुनेछ ।
यसअघि दिनमा दुई खेल समावेश गर्दै तालिका सार्वजनीक गरिएको छ । नयाँ तालिका अनुसार दिनमा एक खेलमात्र हुनेछ ।
नेपाल रहेको समुह एमा बंगलादेश, नेपाल र भुटान छन् । समुह बीमा भारत, श्रीलंका र माल्दिभ्स समावेश छन् ।
-1734842793.webp)
