काठमाडौं । नेपालकाे राष्ट्रिय फुटबल टिमले मलेसियासंग मैत्रिपुर्ण फुटबल म्याच खेल्ने भएको छ । अखिल नेपाल फुटबल संघ एन्फाले आगामी चैतको दोस्रो साता मलेसियासंग मैत्रिपुर्ण म्याच खेल्ने बताएको हो ।
खेल मलेसियाको घरेलु मैदानमा चैत १२ गते हुनेछ ।
नेपाली राष्ट्रिय फुटबल टिमको मुख्य प्रशिक्षकमा जोहान कालिनलाई अनुबन्धन गरेपछि एन्फाले राष्ट्रिय टिमले खेल्ने मैत्रिपुर्ण म्याचको तालिका सार्वजनीक गरेको हो । नेपाली टिमको मुख्य प्रशिक्षकमा नियुक्त भएका कालिनले पहिलो पटक नेपाली टिमको नेतृत्व गर्दै मलेसियाको भ्रमणमा निस्कनेछन् ।
यसअघि अफगानिस्तानसंग मैत्रिपुर्ण म्याच खेलाउने तय भएपनि पुर्वाधारको कारण देखाउँदै उसले अन्तिम समयमा आएर खेल रद्व गरेको थियो । बंगलादेशमा भएको साफ च्याम्पियनसिप पछाडी राष्ट्रिय फुटबल टिमले अन्तराष्ट्रिय म्याच खेल्न पाएको छैन ।
आसन्न साफको तयारी र राष्ट्रिय फुटबल टिमलाई अन्तराष्ट्रिय खेलमा व्यस्त बनाउन मैत्रिपुर्ण खेलमा सहभागिता जनाउने निर्णय भएको एन्फाले जनाएको छ ।
-1734842793.webp)
