एजेन्सी । इङ्ग्लिश प्रिमियर लिग फुटबलमा टोटेनहम हट्सपर पराजित भएको छ । शनिबार भएको खेलमा टोटेनहम बर्नलीसंग २-१ गोल अन्तरले पराजित भएको हो ।
घरेलु मैदानमा टोटेहमलाई पराजित गर्न बर्नलीका क्रिस वुड र एस्ले बर्नेसले एक एक गोल गरे । टोटनहमका ह्यारी केनले एक गोल फर्काए ।
पहिलो हाफ गोलरहित बराबरीमा सकिएको खेलको ५७ औं मिनेटमा क्रिसले गोल गर्दै घरेलु टोलीलाई अग्रता दिलाए । खेलको ६५ औं मिनेटमा केनले गोल गर्दै खेल बराबरीमा ल्याए । तर, खेलको ८३ औं मिनेटमा बर्नेसले गोल गर्दै बर्नलीलाई २-१ को जित दिलाए ।
बर्नलीसंगको हारसंगै टोटेनहमले शीर्ष २ क्लबसंगको अंक दुरी कम गर्ने मौका गुमाएको छ । तेस्रो स्थानमा रहेको टोटेनहमको ६० अंक छ । ३० अंक जोडेको बर्नली १३ औं स्थानमा छ ।
-1735220291.jpg)
