काठमाडौं । नेपालमा हुने तय भएको दक्षिण एसियाली महिला फुटबल प्रतियोगिता साफमा पाकिस्तानले सहभागिता नजनाउने भएको छ । पछिल्लो समय आन्तरिक समस्याबाट गुज्रिएको पाकिस्तानले आन्तरिक समस्या देखाउँदै महिला साफमा सहभागिता नजनाउने पक्का भएको हो ।
टिम दर्ताको अन्तिम दिन आज (शनिबार) सम्म पाकिस्तानले नाम दर्ता गरेन । प्रतियोगिता आगामी फागुन २८ बाट चैत ८ गतेसम्म विराटनगरमा सञ्चालन हुदैछ ।
'पाकिस्तानले नाम दर्ता गरेन । अब पाकिस्तानले साफ खेल्ने छैन । पाकिस्तानले चाँडै कारण सहितको नखेल्ने पत्र पठाउने छ ।' एन्फा स्राेतले खेलपाटीसंग भन्याे ।
पछिल्लो समय राजनीतिक कारणले पाकिस्तानी फुटबल समस्यामा छ ।
पाकिस्तानले सहभागिता नजनाउने भएपछि दक्षिण एसियाका बाँकी ६ टिमले साफ प्रतियोगिता खेल्नेछन् । पाकिस्तान रहेको समुह एमा नेपाल सहित भुटान र बंगलादेश रहेका थिए ।
समुह बीमा भारत, माल्दिभ्स र श्रीलंका छन् ।
-1735220291.jpg)
