एजेन्सी । पाकिस्तान सुपर लिग पीएसएलमा नेपाली लेग स्पिनर सन्दीप लामिछाने सम्मिलित लाहोर क्वालेण्डर्सले क्वेटा ग्लाडियटर्सलाई १ सय ४४ रनको लक्ष्य प्रस्तुत गरेको छ ।
टस हारेर ब्याटिङको निम्तो पाएको लाहोरले निर्धारित ओभरमा ७ विकेट गुमाउँदै एक सय ४३ रन बनाउन सफल रह्यो । लाहोरका लागि एबी डिभिलार्सले अविजित सर्वाधिक ४५ रन बनाए ।
सोहिल अख्तरले २९, डेबिड विसले २०, कोरी एन्डर्सनले १९ रन बनाए । अन्य खेलाडीले दोहोरो अंकको स्कोर छुन सकेनन् । नेपालका सन्दीपले ५ बल खेल्दै अविजित ५ रन बनाए ।
ग्लाडियटर्सका लागि गुल्लाम मुद्सले ३ विकेट हात पारे । सोहिल तान्भिरले २, मोहमद नवाज र अनवर अलीले समान १÷१ विकेट हात पारे । हिजो भएको खेलमा सन्दीपले ३ विकेट हात पर्दै सुखद सुरुवात गरेका थिए । लाहोर ४ खेलमा २ जित हात पर्दै तालिकाको चौथो स्थानमा रहेको छ ।
-1736475046.jpg)
