काठमाडौं । डा ता आओ अन्तराष्ट्रिय फुटबल च्याम्पियनसिपमा नेपालको प्रतिनिधित्व गरेको एन्फाको यु २१ टिमले तेस्रो खेलमा मनिपुरविरुद्व खेल्ने प्लेईङ सेटको घोषणा गरेको छ ।
मुख्य प्रशिक्षक चेतनारायण श्रेष्ठले दोस्रो खेलमा त्रिपुराविरुद्वको प्लेईङ सेटलाई मनिपुरको खेलमा निरन्तरता दिने भएका छन् । एलएनआईपीई रंगशालामा हुने खेल नेपाली समय अनुसार साँझ पौने ५ बजे सुरु हुनेछ ।
आफ्नो पहिलो खेलमा मेघालयसंग ३–२ ले पराजित भएको नेपाली टिमले दोस्रो खेलमा भारतको त्रिपुरा क्लबलाई पराजित गरेको थियो । दोस्रो खेलमा नेपाली टिम ८–० ले विजयी बनेको थियो । नेपाली टिमको जितमा अभिषेक रिजालले ह्याट्रिक गर्न सफल भएका थिए ।
नेपाली टिमले नागल्याण्ड र मिजोरामसंग प्रतिस्पर्धा गर्न बाँकी छ । प्रतियागितामा नेपालको दुई खेलबाट ३ अंक रहेको छ ।
नेपाली टोली
गोलकिपर : विष्णु कुमार केसी
डिफेण्डर : राजन गुरुङ, असिम भुषाल, विश्वास उदास, छिरिङ गुरुङ (कप्तान)
मिडफिल्डर : अनिल महर्जन, एरिक विष्ट, नितिन थापा, अभिषेक रिजाल,
फरवार्ड : रेजिन सुब्बा, प्रिजेन तामाङ
-1734879364.jpg)
-1734875597.jpg)
