एजेन्सी । दोस्रो लेगमा सहज जित निकाल्दै लण्डन क्लब आर्सनल युरोपा लिगको अन्तिम १६ मा प्रवेश गरेको छ । बिहिबार राति ईमिरेट्स स्टेडियममा भएको अन्तिम ३२ को दोस्रो लेगको खेलमा लण्डन क्लब आर्सनलले बेलारुसियन क्लब बाते बोरिसोभलाई ३–० गोल अन्तरले पराजित गर्यो ।
पहिलो लेगको खेलमा १–० ले पराजित भएपनि समग्रमा ३–१ को नतिजा सहित आर्सनलले अन्तिम १६ को यात्रा तय गरेको हो । बातेका डिफेन्डर जाखर वोल्कोवको आत्मघाति गोल गरेपछि लण्डन क्लब आर्सनलले खेलको चौथो मिनेटमा खेलमा अग्रता लिएको थियो ।
कर्नर पासको सदुपयोग गर्दै शकोदरन मुस्तफीले ३९ औ मिनेटमा आर्सनलको अग्रता दोब्बर पारेका थिए । वैकल्पिक खेलाडीको रुपमा मैदान छिरेका सोक्राति पापस्तथोपोलोसले ६० औ मिनेटमा हेड गोल गर्दै आर्सनललाई ३–० को जित दिलाएका थिए ।
पहिलो लेगको खेलमा १–० को हार ब्यहोरेपछि आर्सनललाई अघिल्लो चरण पुग्न २–० को गोलको जित आवश्यक थियो । घरेलु मैदानमा आर्सनलले थप गोलका अवसर गुमाउदाँ फराकिलो अग्रता जित निकाल्न चुकेको थियो ।
अन्तिम १६ को ड्र आगामी शुक्रबार हुनेछ ।
-1734879364.jpg)
-1734875597.jpg)
