एजेन्सी । लण्डन क्लब चेल्सी युरोपा लिग फुटबलको अन्तिम १६ मा प्रवेश गरेको छ । बिहिबार राति भएको राउण्ड अफ ३२ को दोस्रो लेगको खेलमा स्विडेनको माल्मोलाई पराजित गर्दै चेल्सी अन्तिम १६ मा प्रवेश गरेको हो ।
घरेलु मैदान स्टामफोर्ड ब्रिजमा भएको दोस्रो लेगको खेलमा चेल्सी ३–० ले विजयी रह्यो । समग्रमा ५–१ को नतिजा सहित लण्डन क्लबले अन्तिम १६ को यात्रा तय गरेको हो ।
पहिलो लेगको खेलमा चेल्सी २–१ ले विजयी बनेको थियो ।
ओलिभर जिराउडको गोलमार्फत चेल्सीले ५५ औ मिनेटमा खेलमा अग्रता लिएको थियो । बार्कलीले ७४ औ मिनेटमा चेल्सीको अग्रतालाई दोब्बर पारेका थिए । त्यसको १० मिनेट पछि हडसन ओडईले गोल गर्दै चेल्सीको जित सुनिश्चित गरे ।
७३ औ मिनेटमा रासमस बेग्टसन रातो कार्ड खादै मैदान बाहिरिएपछि माल्मो १० खेलाडीमा सिमित बनेको थियो ।
पछिल्लो नतिजाले चेल्सी प्रशिक्षक माउरिजियो सर्री माथिको दबाब कम भएको छ । चेल्सीले अब कारबाओ कपको फाईनलमा म्यान्चेष्टर सिटी र अर्को हप्ता प्रिमियर लिगको खेलमा टोटेनहमसंग खेल्दैछ ।
-1734879364.jpg)
-1734875597.jpg)
