काठमाडौं । नमुना युवा क्लब, रुपन्देही प्रथम मदन भण्डारी स्मृति भेट्रान फुटबल प्रतियोगितामा बिहीबार सेमिफाइनलमा प्रवेश गरेको छ ।
नमुनाले आयोजक मदन भण्डारी स्पोर्ट्स एकेडेमी, काठमाडौं क्षेत्र नं. ४ कमिटी ‘बी’ लाई १–० गोलले पराजित गर्यो । तीर्थबहादुर याक्सोले निर्णायक गोल गरे ।
टी बर्गर, कीर्तिपुर भेट्रान र एसएनके लाहुरे पनि सेमिफाइनलमा पुगे । टी बर्गरले फ्रिडम नखिपोटलाई टाइब्रेकरमा २–१ गोलले हरायो । निर्धारित समयको खेल गोलरहित बराबरीमा टुंगिएको थियो ।
कीर्तिपुरले वेस्टर्न चितवनलाई ३–१ गोलले पाखा लगायो । कीर्तिपुरका सुरेन्द्र महर्जनले २ र सुधिर महर्जनले १ गोल गरे । वेस्टर्नका ओमबहादुर गुरुङले सान्त्वना गोल फर्काए ।
लाहुरेले सिन्धु स्पोर्ट्सको चुनौती २–० ले समाप्त पार्यो। लाहुरेका निमा लामा र विजय लामाले गोल गरे । सेमिफाइनलमा लाहुरेको भेट नमुनासंग हुनेछ भने बर्गरले कीर्तिपुर विरुद्ध प्रतिस्पर्धा गर्नेछ ।
-1734879364.jpg)
-1734875597.jpg)
