काठमाडौं । नयाँ बस्ती युथ क्लबले सहिद स्मारक ’बी’ डिभिजन लिगमा पहिलो जित दर्ता गराएको छ । प्रतियोगितामा लिग चरणको एक खेल बाँकी रहँदा नयाँ बस्तीले पहिलो जित हात पारेका हो ।
ललितपुरको सातदोबाटोस्थित एन्फा कम्प्लेक्समा आज (बिहीबार) भएको दोस्रो खेलमा नयाँ बस्तीले ब्वाइज युनियनलाई २–० ले पराजित गर्याे । पहिलो हाफको २२ मिनेटमा साजन राईको गोल मार्फत अग्रता लिएको उसले दोस्रो हाफमा अर्काे गोल थप्यो । ६५ औ मिनेटमा सानी कुमार चौधरीले दोस्रो गोल गरेका थिए ।
दुई हार र दुई खेल बराबरी खेलेको ब्वाइज युनियनको दुई अंक छ । समान एक जित र एक हार व्यहोरेको नयाँ बस्तीको चार अंक छ ।
आजै भएको पहिलो खेलमा बाँसबारी क्लब र श्री भगवती क्लबले २–२ खेलको बराबरी खेल्दै अंक बाँडेका छन् । समूहको पुछारमा रहेको बाँसबारीले अन्तिम समयमा बराबरी गोल गरेको थियो ।
आश बहादुर गुरुङको गोलबाट खेलको ११ औ मिनेटमा अग्रता लिएको श्री भगवतीका लागि कार्लाेस बखरीयाले ३३ औ मिनेटमा दोस्रो गोल गरेका थिए ।
दुई गोलले पछाडी परेको बाँसबारी दोस्रो हाफमा लयमा आयो । महेन्द्र कार्कीले ६७ मिनेटमा गोल गर्दै गोल अन्तर घटाए । खेलको अन्तिम समयमा दिनेश कार्कीले गोल गरेपछि खेल बराबरीमा रोकिएको थियो ।
राउण्ड रोबिन लिगका आधारमा खेलाईएको प्रतियोगितामा दुई समूहका विजेता र उपविजेता दोस्रो चरणमा प्रवेश गर्नेछन् ।
-1734879364.jpg)
-1734875597.jpg)
