काठमाडौं । राष्ट्रिय फुटबल टिमका गोलकिपर किरण चेन्जोङलाई सहारा क्लब पोखराले सम्मान गर्ने भएको छ ।
राष्ट्रिय तथा अन्तराष्ट्रिय स्तरमा बर्ष भरी उत्कृष्ट प्रदर्शन गर्ने खेलाडीलाई सहाराले सम्मान गर्दै आएको छ । गत साल राष्ट्रिय फुटबल टिमका स्ट्राइकर भरत खवास सो सम्मानबाट पुरस्कृत भएका थिए ।
यसपटक पनि त्यसैलाई निरन्तरता दिदै किरणलाई सम्मान गर्न लागेको सहारा क्लबका पुर्व अध्यक्ष विक्रम थकालीले खेलपाटीलाई बताए ।
'किरणलाई हामीले सम्मान गर्ने निर्णय गरेका छौँ ।’ उनले भने ।
उद्घाटन खेल अघि किरणलाई ३५ हजार नगद सहित सम्मान गर्ने क्लबका पुर्व अध्यक्ष बिक्रमले बताए । ‘हामी किरणलाई ३५ हजार रुपैयाँ, दोसल्ला र माया चिनो सहित सम्मान गर्नेछौ’ । उनले भने ।
पछिल्लो सिजन माल्दिभ्सको टिसी स्पोर्टस् क्लबबाट खेलेका उनको टिम लिग च्याम्पियन भएको थियो । प्रतियोगिताभर उत्कृृष्ट प्रदर्शन गरेका किरण उत्कृष्ट गोलकिपर चुनिएका थिए ।
अफ सिजनका कारण रेष्टमा रहेका किरण अहिले स्वदेशमै रहेका छन् । किरणले मोफसल प्रतियोगितामा भने सहभागिमा जनाएका छैनन् ।
किरणले राष्ट्रिय टिमबाट ५५ क्याप जितेका छन् ।
-1734879364.jpg)
-1734875597.jpg)
