काठमाडौं । सहिद स्मारक 'बी' डिभिजन लिगमा आज (बिहीबार) दुई खेल हुँदैछन् । दुवै खेल सातदोबाटोस्थित एन्फा कम्प्लेक्समा हुनेछ ।
पहिलो खेलमा बाँसबारी क्लब र श्री भगवती क्लबले प्रतिस्पर्धा गर्नेछन् । समूह 'ख' को खेलमा बाँसबारी पहिलो जितको खोजीमा हुनेछ । एक खेल बराबर खेलेको बाँसबारी दुई खेलमा पराजित हुँदै समूहको पुछारमा रहेको छ ।
श्री भगवती क्लब भने तेस्रो जितको खोजीमा छ । एक खेलमा पराजित भएको श्री भगवती दुई खेलमा जित निकाल्दै ६ अंकका साथ समूहको दोस्रो स्थानमा रहेको छ । बाँसबारीबिरुद्ध जित निकाल्दै श्री भगवती दोस्रो चरणमा पुग्ने लक्ष्यमा हुनेछ ।
यस्तै, दोस्रो खेलमा नयाँ बस्ती युथ क्लब र ब्वाइज युनियनबीच खेल हुनेछ । दुवै क्लब पहिलो जितको खोजीमा हुनेछन् । जित निकाल्न सके दुवै टोलीले महत्वपुर्ण तीन अंक प्राप्त गर्नेछन् ।
लिगमा एक हार र दुई खेल बराबरी खेलेको ब्वाइज युनियनको दुई अंक रहेको छ । यस्तै एक मात्रै बराबरी खेलेको नयाँ बस्तीको एक अंक रहेको छ । ऋण अंकबाट बच्न दुवै टोलीलाई उत्तिकै महत्वपुर्ण रहेको छ ।
राउण्ड रोबिन लिगका आधारमा खेलाइने प्रतियोगितामा दुई समूहका विजेता र उपविजेता दोस्रो चरणमा प्रवेश गर्नेछन् ।
-1734879364.jpg)
-1734875597.jpg)
