काठमाडौं । आईसीसी महिला विश्वकप क्रिकेटको एसिया छनोटका लागि भोली (बिहिबार) नेपालको राष्ट्रिय महिला क्रिकेट टोलीले आफ्नो दोस्रो खेल खेल्दैछ । घरेलु टोली थाईल्याण्डविरुद्वको दोस्रो खेल नेपाली समय अनुसार बिहान पौने ९ बजे सुरु हुनेछ ।
प्रतियोगिताको प्रबल दाबेदार रहेको आयोजक गत महिना थाइल्याण्डमै भएको वुमन्स टी ट्वान्टी स्म्यास प्रतियोगितामा नेपाललाई ९ विकेटले पराजित गर्दै उपाधि उचालेको थियो ।
नेपालले आफ्नो पहिलो खेलमा मलेसियालाई ३४ रनले पराजित गर्दै सुखद सुरुवात गरेको थियो । थाइल्याण्डले भने चीनलाई ६ विकेटले पराजित गरेको थियो ।
दुई खेलमा दुई जितका साथ युएइ अंक तालिकाको पहिलो स्थानमा छ । समान एक जित निकालेका नेपाल र थाइल्याण्ड नेट रनरेटका आधारमा क्रमश दोश्रो र चौथो स्थानमा छन् ।
राउण्ड रोबिनको आधारमा हुने छनोटको बिजेताले आईसीसी महिला टी–ट्वान्टी विश्वकपको ग्लोबल छनोटमा पुग्नेछ ।
