काठमाडौं । क्यामरुनको दाउफिन्स क्लब तिलोत्तमा गोल्डकप फुुटबल प्रतियोगिताको सेमिफाईनलमा प्रवेश गरेको छ । बुधबार एन्फा एकेडेमी बुटबलमा भएको क्वार्टरफाइनलमा दाउफिन्सले झापा ११ लाई ५–० गोल अन्तरले हराएको हो ।
खेलको सुरुवातबाटै झापालाई दबावमा राखेको दाउफिन्सले कुनै पनि समय गोल गर्ने मौका दिएन । दाउफिन्सको जितमा यात्रिकले दुई गोल गरे । यस्तै नाइस, डिडर र म्यान अफ दि म्याच वियिकले एक एक गोल गरे ।
जित सँगै दाउफिन्सले फाइनल प्रवेशको लागि १० गते आयोजक लाली रुपन्देहीसँग खेल्नेछ ।
दाउफिन्स मनकामना केवलकार पोखरा कप र बुढासुब्बा गोल्डकपको विजेता हो । झापा ११ ले फिदिम गोल्डकपको जितेको थियो । दाउफिन्सले प्रतियोगितामा बाई पाएर सिधै क्वार्टरफाइनल खेलेको थियो ।
प्रतियोगिताको विजेताले ८ लाख ८० हजार पाउनेछ । यस्तै उपविजेता टिमले ५ लाख ५० हजार प्राप्त गर्नेछ । यस्तै प्रतियोगिताको सर्वाेत्कृष्ट खेलाडीले एक थान मोटरसाइकल पाउने आयोजकले जनाएको छ ।
-1734879364.jpg)
-1734875597.jpg)
