काठमाडौं । टुसाल युथ क्लब सहिद स्मारक बी डिभिजन लिगमा आफ्नो शीर्षस्थानमा यथावत छ । मंगलबार सुरु भएको चौथो चरणको खेलमा टुसालले मध्यपुर युथ एसोसियसनलाई १–० को गोल अन्तरले पराजित गर्याे । टुसालको जितमा एक माात्र गोल एलन राईले गरे ।
उनले पहिलो हाफको ईन्जुरी समयमा पेनाल्टीमा गोल गरे । टुसालको ४ खेलबाट १० अंक भएको छ । मध्यपुरको समान खेलबाट ६ अंक छ ।
आजनै भएको दोस्रो खेलमा झम्सिखेल युथ क्लबले श्री कुमारी क्लब युथ क्लबलाई पराजित गर्याे । प्रतिस्पर्धात्मक खेलमा श्री कुमारीका यज्ञ प्रधानले खेलको ८४ मिनेटमा आत्माघाति गोलगरेका थिए । त्यही गोल झम्सिखेललाई तीन अंक दिलाउन महत्वपुर्ण बन्यो ।
दोस्रो जित निकाल्ने क्रममा झम्सिखेलका लागि भुवन राईले खेलको पाँचौ मिनेटमै अग्रता दिलाएका थिए । ४९ औँ मिनेटमा श्री कुमारीका विबेक राईले बराबरी गोल फर्काए ।
चार खेलको समाप्तीमा झम्सिखेलको ८ अंक छ । श्री कुमारीको ६ अंक छ ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
-1736873565.JPG)
