काठमाडौं । रुस्लान धनगढी प्रिमियर लिग (डीपीएल) क्रिकेटले दक्षिण अफ्रिकाका पुर्व क्रिकेटर जोन्टी रोड्सलाई सम्मान गरेको छ ।
तेस्रो संस्करणको डीपीएल क्रिकेटको गुडविल एम्बासडर समेत रहेका जोन्टीलाई मंगलबार आयोजक धनगढी क्रिकेट एकेडमीले सम्मान गरेको हो । डीपीएलका अध्यक्ष सुबास शाहीले जोन्टीलाई मायाको चिनो प्रदान गर्दै सम्मान गरे ।
यस्तै डीपीएलले जोन्टीलाई विदाई समेत गरेको छ । डीपीएलले बुधबार युएई जान लागेका जोन्टीलाई विदाई गरेको हो ।
जोन्टी पाकिस्तान प्रिमियर लिगका लागि त्यसतर्फ जान लागेका हुन् ।
जोन्टीले दक्षिण अफ्रीकाको लागि ५२ टेष्ट तथा २४५ एकदिवसीय खेलेका छन् । ४९ वर्षीय रोड्स आफ्नो फिल्डिङको कारण विश्व प्रसिद्ध छन्।
