काठमाडौं । सहिद स्मारक बी डिभिजन लिग अन्तर्गत आज (मंगलबार) बाट चौथो चरणका खेल सुरु हुदैछन् । पहिलो खेलमा मध्यपुर युथ एसोसियसन र टुसाल युथ क्लब भिड्दैछन् ।
दुबै टोली तेस्रो जित निकाल्न चाहन्छन् । टुसाल जारी लिगमा शिर्ष स्थानमा छ । टुसालको ७ अंक रहदाँ मध्यपुरको ६ अंक रहेको छ । मध्यपुर टुसाललाई पराजित गर्दै शीर्ष स्थानमा पुग्न चाहन्छ भने टुसाल शीर्ष स्थानको अग्रतालाई बढाउन चाहन्छ ।
खेल दिउँसो साँढे १२ बजे सुरु हुनेछ ।
आजै हुने दोस्रो खेलमा श्री कुमारी क्लब र झम्सिखेल युथ प्रतिस्पर्धा गर्दैछन् । खेल दिउँसो साँढे ३ बजे सुरु हुनेछ । श्री कुमारी प्रतियोगितामा तेस्रो जित निकाल्ने दाउमा हुँदा झम्सिखेल भने दोस्रो जितको खोजीमा हुनेछ ।
श्री कुमारीको ६ अंक रहँदा झम्सिखेलको ५ अंक रहेको छ ।
दुबै खेल सातदोबाटोस्थित एन्फा टेक्निकल सेन्टरमा हुनेछ ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
