काठमाडौं । श्री भगवती क्लबका दर्शन गुरुङले सहिद स्मारक बी डिभिजन लिग फुटबलमा ह्याट्रिक गरेका छन् ।
एन्फा कम्प्लेक्स सातदोबाटोमा पुल्चोक स्पोर्टस् क्लबविरुद्ध भगवतीका दर्शनले ह्याट्रिक गरेका हुन् । उनले एक्लै ४ गोल गरे ।
दर्शनको ह्याट्रिकसंगै बी डिभिजन लिगमा दोस्रो ह्याट्रिक पुरा भएको छ ।
दर्शन जारी लिगमा ह्याट्रिक गर्ने दोस्रो खेलाडी बनेका छन् ।
यसअघि टुसाल युथ क्लबका एलन राईले ह्याट्रिक गरेका थिए ।
दर्शनले पहिलो हाफको २४,३६ र दोस्रो हाफको ६७ मिनेटमा गरि ह्याट्रिक पुरा गरे । अर्काे गोल खेलेको अतिरिक्त समयमा गरे ।
प्रतियोगितामा दोस्रो जित निकाल्दा श्री भगवतीले पुल्चोकलाई ६-० को भारी अन्तरले पराजित गर्याे ।
