धनगढी । तेस्रो संस्करणको धनगढी प्रिमियर लिग (डीपीएल) क्रिकेटमा अहिले विराटनगर किंग्स र सिवाईसी अत्तरियाबीच प्रतिस्पर्धा हुँदैछ ।
फाप्ला क्रिकेट मैदानमा अत्तरियाले टस जितेको छ र पहिले ब्याटिङ रोजेको छ । अत्तरियाले ब्याटिङ रोजेपछि विराटनगरले पहिले फिल्डिङ गर्नेछ ।
दुवै टोली स्पष्ट जितको खोजीमा रहेका छन् । किनकि दुवै टोलीलाई प्ले अफ पुग्न यस खेल महत्वपूर्ण रहेको छ ।
अत्तरिया ३ खेलबाट ४ अंक जोडेर दोस्रो स्थानमा रहेको छ । विराटनगरलाई पराजित अत्तरिया एक खेल अगाबै प्लेमा पुग्ने छ । पराजित भए अत्तरियालाई अन्तिम खेलसम्म पर्खनु पर्ने हुन्छ ।
४ खेलबाट ४ अंक जोडेर विराटनगर लिगको पाँचौ स्थानमा छ । विराटनगरलाई प्ले अफमा पुग्न अत्तरियाविरुद्धको अन्तिम खेल जित्नै पर्ने दबाब छ । पराजित भए विराटनगर प्रतियोगिताबाट बाहिरिने छ । यस्तै विराटनगर पराजित भए महेन्द्रनगर युनाईटेडलाई फाइदा पुग्नेछ ।
