काठमाडौं । सहिद स्मारक बी डिभिजन लिगमा पुल्चोक स्पोर्टस् क्लबलाई शीर्ष स्थानमा उक्लने मौका छ । त्यसका लागि उसले श्री भगवती क्लबसंगको खेलमा जित निकाल्न पर्नेछ ।
खेल दिउँसो साँढे ३ बजे सुरु हुनेछ ।
एक खेल बढि खेलेको टुसालको ७ अंक छ । श्री भगवतीविरुद्ध जित निकालेमा पुल्चोकको तीन खेलमा ९ अंक हुनेछ ।
श्री भगवतीको भने दुई खेल सकिदाँ ३ अंक बटुलेको छ । दुबै टोलीको लक्ष्य तीन अंक बटुल्नुनै रहेको छ ।
आजै हुने पहिलो खेलमा ब्वाइज युनियन पहिलो जितको खोजिमा हुनेछ । दिउँसो साँढे १२ बजे हुने खेलमा ब्वाइज युनियनले रानीपोखरी कर्नर टिम आरसिटीसँग खेल्नेछ । दुबै टोली तीन अंक जोड्न चाहन्छन् ।
ब्वाइज युनियनको १ अंक रहँदा आरसिटीको ३ अंक रहेको छ ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
