काठमाडौं । सहिद स्मारक 'बी' डिभिजन लिगमा मध्यपुर युथ एसोसियसनले जित निकालेको छ । आइतबार भएको खेलमा मध्यपुरले बाँसबारी क्लबलाई १-० गोल अन्तरले पराजित गरेको हो ।
सातदोबाटोस्थित एन्फा कम्प्लेक्स मैदानमा मध्यपुरलाई जित दिलाउन रोनिस राजबाहकले निर्णायक गोल गरे । रोनिसले खेलको १५ औं मिनेटमा गोल गरेका थिए ।
जितसंगै मध्यपुरले ३ खेलबाट ६ अंक जोडेको छ । बाँसबारीको १ अंक रहेको छ ।
लिग अन्तर्गत आइतबार श्री कुमारी क्लबले नयाँ बस्ती युवा क्लबलाई २-० ले पराजित गरेको छ । श्री कुमारीको जितमा विवेक चौधरी र रुकेश श्रेष्ठले एक एक गोल गरे ।
जितसंगै श्री कुमारीले ३ खेलबाट ६ अंक जोडेको छ । नयाँ बस्तीको १ अंक छ ।
राउण्ड रोबिन लिगका आधारमा जारी प्रतियोगितामा दुई समूहका विजेता र उपविजेता दोस्रो चरणमा प्रवेश गर्नेछन् ।
-1734842793.webp)
