धनगढी । तेस्रो संस्करणको धनगढी प्रिमियर लिग (डीपीएल) क्रिकेट अन्तर्गत सिवाईसी अत्तरिया र महेन्द्रनगर युनाइटेडबीचको खेल ६ ओभरको हुने भएको छ ।
फाप्ला क्रिकेट मैदानमा बर्षाले खेल प्रभावित गरेपछि ढिला सुरु भएको अत्तरिया र महेन्द्रनगरबीचको खेल ६-६ ओभरमा घटाइएको हो ।
ओभर घटाइएको खेलमा अत्तरियाले टस जितेको छ । र, पहिले ब्याटिङ रोजेको छ ।
महेन्द्रनगरविरुद्ध मैदान उत्रदा दिपेन्द्र सिंह ऐरीको कप्तानीमा रहेको अत्तरिया लगातार तेस्रो जितको खोजीमा हुनेछ । अत्तरिया २ खेलबाट ४ अंक जोडेर दोस्रो स्थानमा छ । त्यसैले अत्तरिया जित निकाल्दै प्ले अफमा पुग्न चाहन्छ ।
यता, शरद भेषवाकरको टिम महेन्द्रनगर पहिलो जितको खोजीमा हुनेछ । सुरुवाती दुई खेल गुमाएको महेन्द्रनगरले २ अंक जोडेको छ ।
महेन्द्रनगरको यो समूह चरणको अन्तिम खेल हो । महेन्द्रनगर अत्तरियाविरुद्ध जित निकाल्दै प्ले अफको झिनो सम्भावना कायम राख्न चाहन्छ । महेन्द्रनगरले पछिल्लो २ खेल बर्षाको कारण रद्द हुँदा एक एक अंक पाएको थियो । महेन्द्रनगरको प्ले अफ सम्भावना गणितीय रुपमा बाँकी रहेको छ ।
आइतबार हुने दोस्रो खेलमा ज्ञानेन्द्र मल्लको कप्तानीमा रहेको काठमाडौंलाई बसन्त रेग्मीको रुपन्देहीले चुनौती दिनेछ ।दुईबीचको खेल दिउँसो १ बजे सुरु हुनेछ ।
