काठमाडौं । सहिद स्मारक बी डिभिजन लिगमा आज (आईतबार) दुई खेल हुनेछन् । प्रतियोगिताका दुबै खेल सातदोबाटोस्थित एन्फा कम्प्लेक्सको मैदानमा हुनेछ ।
पहिलो खेलमा नयाँ बस्ती युथ क्लबले श्री कुमारी क्लबको सामना गर्नेछ । खेल दिउँसो साँढे १२ बजे हुनेछ ।
श्री कुमारी दोस्रो जितको खोजीमा हुनेछ । नयाँ बस्ती पहिलो जितको खोजीमा हुनेछ । प्रतियोगितामा नयाँ बस्तीको एक अंक छ । श्री कुमारी एक जित सहित ३ अंक छ ।
आज हुने दोस्रो खेलमा बाँसबारी क्लबले मध्यपुर युथ एसोसिएसनको चुनौती पेस गर्नेछ । खेल दिउँसो साँढे तीन बजे सुरु हुनेछ ।
बाँसबारी पहिलो जितको खोजीमा हुँदा मध्यपुरको ध्यान दोस्रो जितमा हुनेछ । दुई खेल खेलेर १ अंक जोडेको बाँसबारी मध्यपुरलाई रोक्दै पहिलो जित निकाल्ने दाउमा हुनेछ ।
मध्यपुर भने दोस्रो जित निकाल्न चाहन्छ । उसको प्रतियोगितामा तीन अंक रहेको छ ।
प्रतियोगिताको शीर्षस्थानमा टुसाल युथ क्लब रहेको छ ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
-1734842793.webp)
