एजेन्सी । नेपाली राष्ट्रिय टोलीका लेग स्पिनर सन्दीप लामिछाने बिग बास लिगको फाइनलमा मेलबर्न स्टार्सको प्लेईङ सेटमा अटाएका छन् ।
मेलबर्न रेनिगेड्सविरुद्धको उपाधि भिडन्तमा सन्दीपले टिममा स्थान बनाएका हुन् । जारी लिगमा उत्कृष्ट प्रदर्शनलाई कायम गरिरहेपछि सन्दीपले फाइनलको सुरुवाती -११ मा स्थान बनाउन सफल भएका हुन् । स्टार्सका लागि सन्दीपले ७ खेल खेल्दै ११ विकेट लिईसकेका छन् ।
मेलबर्नमा हुने फाइनलमा सन्दीपको टिम स्टार्सले टस जितेको छ र रेनिगेड्सविरुद्ध पहिले फिल्डिङ रोजेको छ ।
यसअघि सन्दीपको टिम स्टार्सले होबार्ट हुरिकेसलाई ६ विकेटले पराजित गर्दै फाइनलमा स्थान सुरक्षित गरेको थियो । यस्तै रेनिगेड्सले सिड्नी सिक्सर्सलाई ३ विकेटले पराजित गर्दै स्टार्ससंगको भेट पक्का गरेको थियो ।
