काठमाडौं ।
महिला क्रिकेट प्रतियोगितामा अर्को फ्रेन्चाईज लिग थपिएको छ । एनसिएल स्पोर्टस प्रालिले मोफसलको विराटनगरमा एनसिएल वुमनस टि २० क्रिकेट लिग आयोजना गर्ने घोषणा गरेको ।
हिजो मात्र क्विन्स इभेन्ट म्यानेजमेन्टले पहिलो पटक नेपालमा महिलाको फ्रेन्चाईज क्रिकेट लिग आयोजना गर्ने जानकारी दिएको थियो ।
महिला राष्ट्रिय क्रिकेट टिमले अन्तराष्ट्रिय प्रतियोगितामा प्राप्त गरेको सफलतालाई निरन्तरता दिन र महिला प्रतियोगिता बढाउन प्रतियोगिता सञ्चालन गर्न लागिएको आयोजकले जनाएको छ ।प्रतियोगिता चैत १ गते देखि ९ गतेसम्म हुनेछ ।
प्रतियोगिता विराटनगरको बैज्यनाथपुर क्रिकेट मैदानमा हुनेछ । लिगमा ४ शहरका फ्रेन्चाईज टिम सहभागि हुनेछन् ।
प्रतियोगितामा सहभागि फ्रेन्चाईज टोलीले अक्सनका आधारमा खेलाडी छनोट गर्ने आयोजक एनसिएल स्पोर्टस प्रालिका प्रबन्ध निर्देशक जयराज रायले जानकारी दिए ।
महिला फ्रेन्चाईजसंगै पुरुष र उमेर समुहको क्रिकेट लिग सञ्चालन गर्न प्रतियोगिता आयोजना गरिएको रायले बताए ।
