काठमाडौं । सहिद स्मारक बी डिभिजन लिग अन्तर्गत आज (शुक्रबार) दुई खेल हुदैछन् । तेस्रो चरणको खेल ललितपुरको सातदोबाटोस्थित एन्फा कम्प्लेक्सको मैदानमा हुनेछ ।
पहिलो खेलमा सातदोबाटो युथ क्लब र झम्सिखेल युथबीच प्रतिस्पर्धा हुँदैछ । खेल दिउँसो साँढे १२ बजे हुनेछ । दुबै टोली दोस्रो जित निकाल्ने दाउमा छन् ।
एक खेल जित र एक खेलमा बराबरी खेलेका दुबै टोलीको समान ४ अंक छ ।
आजै हुने दोस्रो खेलमा खुमलटार युवा क्लब र टुसाल युथ क्लबबीच भिडन्त रहेको छ । खुमल्टार पहिलो जितको खोजीमा हुनेछ । यसअघि भएका दुबै खेलमा खुमलटार पराजित भएको थियो ।
टुसाल युथ भने दोस्रो जितको खोजीमा छ । एक जित र एक बराबरीका साथ टुसालको ४ अंक रहेको छ । अंक विहिन खुमल्टार पुछारमा रहेको छ ।
प्रतियोगितामा दुबै खेल जितेको पुल्चोक स्पोर्टस ६ अंकका साथ शिर्ष स्थानमा रहेको छ । टुसाल, , सातदोबाटो र झम्सिखेलको सामान ४ अंक छ ।
राउण्ड रोबिन लिगका आधारमा खेलाइने प्रतियोगितामा दुई समुहका विजेता र उपविजेता दोस्रो चरणमा प्रवेश गर्नेछन् ।
